خواجہ سائیں سخی محمد قلندر نقشبندی حیدری رحمتہ اللہ علیہ کے 49 ویں سالانہ عظیم الشان عرس مبارک کی تیاریاں انتہائی عقیدت و احترام سے جاری
دربارِ عالیہ کھلی شریف کالاڈب کوٹلی آزادکشمیر سے خصوصی نمائندہ ( DailyAJK ) نے صاحبزادہ سائیں اویس سروری صاحب سے خواجہ سائیں سخی محمد قلندر نقشبندی حیدری رحمتہ اللہ علیہ کے 49 ویں عرس مبارک دربارِ عالیہ کھلی شریف کالاڈب کوٹلی آزادکشمیر کے متعلق انٹرویو کیا.
صاحبزادہ سائیں اویس سروری دربارِ عالیہ کھلی شریف نے بتایا کہ خواجہ سائیں سخی محمد قلندر نقشبندی حیدری رحمتہ اللہ علیہ کا 49 واں سالانہ عظیم الشان عرس مبارک 21 22 23اپریل 2026 بروز منگل بدھ جمعرات کو دربارِ کھلی شریف کالاڈب کوٹلی آزادکشمیر میں انتہائی عقیدت و احترام سے منایا جا رہا ہے جس کے سلسلہ میں تمام تیاریاں زور و شور سے جاری ہیں اور اپنے آخری مراحل میں داخل ہو رہی ہیں. خواجہ سائیں سخی محمد قلندر نقشبندی حیدری رحمتہ اللہ علیہ کے عرس مبارک کی صدارت پیرِ طریقت رہبرِ شریعت مخدومِ اہلِ سنت حضرت قبلہ پیر سید حبیب حسین شاہ گیلانی سجادہ نشین دربارِ عالیہ پناگ شریف فرمائیں گے.
عرس مبارک کی تمام تقریبات کی سرپرستی پیرِ طریقت رہبرِ شریعت مخدومِ اہلِ سنت حضرت قبلہ سائیں الطاف حسین صاحب سجادہ نشین دربارِ عالیہ کھلی شریف شریف فرمائیں گے. عرس مبارک کی تیسری دعا کے موقع پر خصوصی خطاب و دعا پیرِ طریقت رہبرِ شریعت قائدِ اہلسنت شہبازِ خطابت صاحبزادہ والاشان حضرت قبلہ پیر سید عارف حسین شاہ گیلانی صدر تحریکِ نفاذِ نظامِ مصطفیٰ صلی اللہ علیہ وآلہ وسلم و آل جموں و کشمیر سنی فورس زیب و زینت آستانہ عالیہ پناگ شریف فرمائیں گے. نیز عرس مبارک کی تیسری دعا کے موقع پر تحریکِ نفاذِ نظامِ مصطفیٰ صلی اللہ علیہ وآلہ وسلم کی تنظیم سازی بھی کی جائے گی. تمام مکاتبِ فکر کو سہ روزہ عرس مبارک حضرت خواجہ سائیں سخی محمد قلندر نقشبندی حیدری رحمتہ اللہ علیہ کی روحانی و وجدانی تقریبات میں شمولیت کی دعوت دی جاتی ہے
